• सोमबार, १३ असार, २०७९
  • ११:१४:३२

अभिभावकलाई ठग्दै विद्यालय : पढाई निजी, प्रमाणपत्र सरकारी

  • Netizen Nepal
  • शनिबार, ४ असार, २०७९- ०७:१६:००/ Saturday 06-18-22

नेटिजन संवाददाता 


काठमाडौँ, ४ असार। महोत्तरी गौशालाका दुई विद्यालय दुई दशकदेखि बिना दर्ताको संचालनमा रहेको पाईएको छ। गौशाला नगरपालिका-११ स्थित न्यू भिजन पव्लिक वोर्डिङ्ग स्कुल र ज्ञानमन्दिर वोर्डिङ्ग स्कुल २३ वर्षदेखि बिना दर्ताको अवैधरुपमा संचालनमा रहेको छ। जनता माध्यमिक विद्यालय भरतपुरखोरको छेउमै ज्ञानमन्दिर ईङ्गलिश स्कुल अवैधानिकरुपमा कक्षा १० सम्म संचालन हुँदै आएको छ।

विसं २०५६ सालमा भरतपुरका तत्कालिन प्रधानाध्यापक नारायण ढकाल, तत्कालिन विद्यालयका स्रोत व्यक्ति हेमन्त प्रधान लगायतले सो विद्यालय स्थापना गरेको पाईन्छ। यता ईमली बजारमा संचालन रहेको न्यू भिजन पव्लिक वोर्डिङ्ग स्कुलको स्थापना पनि सोही वर्ष भएको थियो। यी दुवै विद्यालयले अनुमति बेगर कक्षा १० सम्म पठनपाठन गराउँदै आएको छ। अभिभावकलाई दोहोरो आर्थिक भार बोकाएर यी विद्यालयका संचालकहरुले मोटो रकम कुम्लाउँदै आएका छन्। यी विद्यालयको परिसरमा नेपाल सरकारले तोकिएको कुनै पनि मापदण्ड पूरा नरहेको पाईएको छ।

विद्यार्थी भर्नाको क्रममा रंगीचंगी व्यानरमा सेवा सुविधाको नाममा अनेकौ झुठा भ्रामक प्रचारप्रसार गरेर सोझा अभिभावकहरुसँग सजिलै बच्चा लिन सिपालु भएका छन् यी विद्यालयहरु। मासिकरुपमा मोटो रकम उठाउने विद्यालयले विद्यार्थीलाई न त गुणस्तर शिक्षा दिएका छन् न त सेवा सुविधा नै।

आफूहरु अवैधानिकरुपमा विद्यालय संचालन गर्दै आएको ती दुवै विद्यालयका प्रिन्सिपलहरुले स्वीकार गरेका छन्।  कक्षा सचालनको  स्वीकृत नपाएका यी दुवै विद्यालयमा कक्षा १० सम्म पढाई भईरहेको  छ। सरकारी विद्यालयमा वर्षौदेखि विद्यार्थीहरुलाई एसएलसी परिक्षामा सहभागी गराउदै आएको न्यू भिजन पव्लिक वोर्डिङ्ग स्कुलले जनाएको छ। 

नर्सरीदेखि कक्षा १० सम्म पढाई हुने यस विद्यालयमा अध्ययन हुने विद्यार्थीसँग मासिक रुपमा ७ सय देखि १ हजार ८ सयसम्म रकम लिदैँ आएको प्रिन्सिपल महतोले बताए। 

ज्ञान मन्दिर ईङ्गलिश वोर्डिङ्ग स्कुलका प्रिन्सिपलले दिएको जानकारी अनुसार ईजाजत नपाएर पनि विद्यालयले कक्षा १० सम्म पढाउँदै आएको छ। स्थापना भएको सालदेखि नै जनता मावि भरतपुरखोरसँग समन्वयगरी विद्यालय संचालन गर्दै आएको प्रिन्सिपल हरिहर शर्माले जानकारी दिए।

उनले भने, ‘यहाँ नर्सरीदेखि कक्षा १० सम्म पढाई हुन्छ। विद्यार्थीलाई यहाँ मासिक शुल्क, वार्षिक शुल्क मात्र तिर्नुपर्ने हुन्छ। भर्ना शुल्क भने सरकारी विद्यालयमा तिर्नुपर्ने हुन्छ। विद्यार्थीहरुले आफै छेउमा रहेको जनता मावि भरतपुरखोरमा दर्ता गराउँदै आएको छ।

अभिभावक र विद्यार्थीको चाहना अनुसार अवैधरुपमा भएपनि कक्षा प्रत्येकवर्ष थपिदै आएको छु। हाम्रा विद्यार्थीहरु त्यहि विद्यालयमा हाजिरी बनाईरहेका छन्। सरकारी र आफनो विद्यालय संचालनको समय फरक भएकोले हाजिरी गर्न सजिलो भएको हो। गतवर्षसम्म विद्यार्थीहरुले पाठयपुस्तक पनि पाएका थिए।’ अन्नपुर्ण पोस्ट दैनिक