• शुक्रबार, ७ बैशाख, २०८१
  • १०:३१:४६

फ्रान्सेली फुटबल टोलीको कप्तान बने एम्बाप्पे  

  • Netizen Nepal
  • बिहीबार, ९ चैत, २०७९- १२:१९:००/ Thursday 03-23-23

नेटिजन संवाददाता
काठमाडौँ, ९ चैत। कतारको दोहामा भएको विश्वकप फुटबल प्रतियोगिताको फाइनल खेलमा पीडादायी पराजय भोगेको तीन महिनापछि फ्रान्सले देशको फुटबल खेलको नेतृत्व केलियन एमबाप्पेलाई सुम्पेको छ ।

राष्ट्रका धेरै दिग्गज खेलाडीले सन्न्यास लिएपछि एमबाप्पेलाई युरो २०२४ को छनोट अभियानका लागि कप्तानको जिम्मेवारी प्रदान गरिएको हो ।

दोहा विश्वकपमा अर्जेन्टिनासँग पेनाल्टी सुटआउटमा भएको पराजयमात्र होइन मैदान बाहिरका घोटालाले पनि फ्रान्सेली फुटबल उथलपुथल भएको छ ।

सन् २०२६ सम्मका लागि प्रमुख प्रशिक्षक डेसच्याम्प्सलाई अनुबन्ध गरिएकामा उनलाई फ्रान्सेली जनताले नरुचाएपछि उनको स्थान अब  जिनेदिन जिदानले सम्हाल्ने संभावना बढेको छ ।

लामो समयदेखि ‘ब्याकअप’ गोलकिपर स्टिभ मन्डान्डाले सन्यास लिएपछि एसी मिलानका माइक मैगनन उनको स्थान लिएका छन् ।