काठमाडौं । त्रिवि क्रिकेट मैदानमा  सोमबार भएको नेपाल प्रिमियर लिग (एनपीएल) को रोमाञ्चक खेलमा कर्णाली याक्सले जनकपुर बोल्ट्सलाई १४२ रनको चुनौती दिएको छ। टस जितेर ब्याटिङ गरेको कर्णालीले २० ओभरमा ७ विकेट गुमाउँदै १४१ रन बनायो।

गुल्सन झाले उत्कृष्ट रूपमा ३६ रन बनाए, अर्जुन घर्तीले ३३ र सोमपाल कामीले २९ रनको योगदान दिए। शिखर धवन र बाबर हयातले क्रमशः १४ र १२ रन बनाए।

बलिङतर्फ जनकपुरका मोहमद मोसिनले २ विकेट लिए भने अन्य बलरहरूले १-१ विकेट हात पारे। जनकपुरले आफ्नो पहिलो खेलमा विराटनगरविरुद्ध जीत हासिल गरेकाले यो खेल थप रोचक बन्ने अपेक्षा गरिएको छ।