काठमाडौं। बाल गायक सचिन परियारको निधन भएको छ । स्वास्थ्यमा समस्या देखिएपछि हिजो महाराजगञ्ज टिचिङ अस्पतालमा भर्ना भएका परियारको आज बिहान निधन भएको हो ।

सचिनको स्वास्थ्य अवस्थामा समस्या आएको र उपचारको लागि रकम आवश्यकता भएको भन्दै आर्थिक सहयोगको माग समेत गरिएको थियो । बालगायकका रुपमा परिचित सचिनले गाएका गीतहरू समाजिक सञ्जाल भाइरल छन् ।

सचिनले महानायक राजेश हमालसँग एक म्युजिक भिडियो अभिनय गरेका छन् । साथै हाँस्य टेलीश्रृँखला ‘मेरी बास्सै’मा पनि अभिनय गरेका थिए ।