काठमाडौँ। छाला हाम्रो शरीरको सबैभन्दा संवेदनशील अंग हो । यही कारण छालालाई विशेष हेरचाह चाहिन्छ। साथै, अनुहारको छाला शरीरको अन्य छालाको तुलनामा धेरै नरम र संवेदनशील हुन्छ। मानिसहरू प्रायः अनुहारको छालाको पीएच स्तर कायम राख्न विभिन्न सौन्दर्य र छाला हेरचाह उत्पादनहरू प्रयोग गर्छन् ।

यद्धपि कतिपयले साबुनले पनि मुख धुने गरेका छन। साबुनले मुख धुनाले छाला सुख्खा हुन्छ। साबुनमा पाइने सर्फ्याक्टेन्टले छालालाई हानि पुर्याउछ र अनुहारको छालालाई सुख्खा बनाउछ। यति मात्र होइन, साबुनको प्रयोगले छालामा चाउरीपना, रातोपन र जलन पनि निम्त्याउन सक्छ। साबुनले अनुहारको प्राकृतिक निखारपनमा पनि असर गर्छ।

पीएच स्तर बिग्रन सक्छ

छाला अम्लीय प्रकृतिको हुन्छ, भने साबुन क्षारीय । यस्तो अवस्थामा साबुन पानीले अनुहार धुँदा छालाको पीएच स्तर बिग्रन्छ । सन्तुलित पीएच स्तर स्वस्थ छालाको लागि धेरै महत्त्वपूर्ण हुन्छ । यदि पीएच स्तर सही छ भने छालामा ब्याक्टेरियाको संक्रमण कम हुन्छ र सुख्खापन पनि हुँदैन। 

प्राकृतिक तेल घटाउँछ

साबुनले मुख धुँदा यसले छालाको प्राकृतिक तेललाई कम गर्न सक्छ। यति मात्र होइन, यसले छालालाई सुख्खा र कडा बनाउँछ। त्यसैले अनुहारमा प्राकृतिक तेल कायम राख्न साबुन पानीले अनुहार धुनु हुँदैन। 

छिद्रहरू बन्द हुन्छन्

लगातार साबुन पानीले अनुहार धुँदा छालाको छिद्रहरू पनि बन्द हुन सक्छ । वास्तवमा, साबुनको प्रयोगले यसमा रहेको फ्याटी एसिडहरू छिद्रहरूमा जम्मा हुन्छ, जसका कारण छिद्रहरू बन्द हुन्छन् र पिम्पल्सको समस्या सुरु हुन्छ। यति मात्र होइन, यसले ब्ल्याकहेड्स र व्हाइटहेड्सको समस्या पनि निम्त्याउन सक्छ ।

चाउरिपन 

अनुहारमा साबुन प्रयोग गर्दा छाला सुख्खा हुने मात्र नभई उमेरै नपुगी छाला चाउरिपर्ने समस्या निम्तन्छ। यसकारण मुख धुँदा सकेसम्म साबुनको प्रयोग गर्नुहुदैन यसको साटोमा फेसवास लगाउँदा फाइदा हुन्छ।