• शुक्रबार, ७ बैशाख, २०८१
  • ०९:०२:४०

चीनको सम्पत्ति विकास लगानी: पहिलो २ महिनामा ९ प्रतिशतले गिरावट

काठमाडौं । चीनको सम्पत्ति विकासमा लगानी सन् २०२४ को पहिलो  महिनामा वार्षिक आधारमा  प्रतिशतले घटेर ११ खर्ब ८४ अर्ब २० करोड युआन (करिब  खर्ब ६७ अर्ब अमेरिकी डलर) भएको राष्ट्रिय तथ्याङ्क विभाग (एनबिएस)ले सोमबार बताएको छ ।

यसै अवधिमा नवनिर्मित सम्पत्तिको बिक्री पनि वार्षिकरूपमा २०.५ प्रतिशतले घटेर ११ करोड ३६ लाख ९० हजार वर्गमिटरमा आएकाले यस क्षेत्रमा लगानीमा घट्ने प्रवृत्ति कायम रहेको छ ।

मूल्यको हिसाबले वार्षिकरूपमा नवनिर्मित सम्पत्तिको बिक्री २९.३ प्रतिशतले घटेर १० खर्ब ५६ अर्ब ६० करोड युआनमा झरेको तथ्याङ्कले देखाएको छ ।

यस वर्षको पहिलो २ महिनामा देखिएको गिरावट सन् २०२३ को सोही अवधिमा ९.६ प्रतिशतको गिरावटको तुलनामा ०.६ प्रतिशतले कम भएको एनबिएसका प्रवक्ता लिउ आइहुवाले पत्रकार सम्मेलनमा बताउनुभयो ।

सम्पत्ति बिक्री र घरको मूल्य दुवैको तथ्याङ्कका आधारमा चीनको सम्पत्ति बजार अझै समायोजन र रूपान्तरणको प्रक्रियामा रहेको उहाँले बताउनुभयो ।

नयाँ सहरीकरणको विकास प्रवृत्ति र रियल इस्टेट बजारमा आपूर्ति र मागमा आएको परिवर्तनलाई अपनाएर चीनले घरजग्गाका लागि नयाँ विकास मोडेललाई बढावा दिने उहाँको भनाइ थियो । रासस।