इलाम २ मा नेपाली कांग्रेसलाई अग्रता, घण्टी चौथो स्थानमा
- नेटिजन संवाददाता
- आइतबार, १६ बैशाख, २०८१- १५:०६:००/ Sunday 04-28-24
काठमाडौँ । इलाम २ को शनिबार सम्पन्न उपनिर्वाचनको मतगणनाको शुरुवताी मत परिणाम आउँन थालेको छ । शुरुवाती परिणाम अनुसार नेपाली कांग्रेसका उम्मेदवार डम्बर खड्का ६ सय ५७ मतका साथ अगाडी हुनुहुन्छ । त्यसैगरी एमालेका उम्मेदवार सुहाङ नेम्वाङ ५ सय ३४ मत सहित दोस्रो स्थानमा हुनुहुन्छ भने स्वतन्त्र उम्मेदवार डकेन्द्र सिंह लिम्बू १ सय ८७ मत सहित तेस्रो स्थानमा हुनुहुन्छ ।
राष्ट्रिय स्वतन्त्र पार्टीका उम्मेदवार मिलन योङहाङ लिम्बू १ सय १५ मत सहित चौथो स्थानमा हुनुहुन्छ । अहिले फाकफोकथुम–१ नम्बर र २ नम्बर वडाको मत गणना भइरहेको छ । निर्वाचन आयोगका अनुसार हाल सम्म १ हजार ५ सय २१ मत गन्दा ५ जना उम्मेदवारले एक मत पनि पाएका छैनन्। राप्राले भने ४ मत मात्र पाएको छ । माधव नेपालको पार्टी एकिकृत समाजवादीले भने एक मत पनि पाएको छैन ।