काठमाडौँ। पछिल्लो समयमा आगलागी तथा ददेलोको विपद चिन्ताजनक रुपमा फैलिएको छ।  यसबाट ठुलो धनजनको क्षेती पनि भएको छ। राष्ट्रिय विपद् जोखिम न्युनीनकरण तथा व्यवस्थापन प्राधिकरणका अनुसार वैशाख १ देखि २४ गतेसम्ममा  आगलागी, डढेलो र चट्याङबाट वैशाख महिनाको २४ दिनमा २७ जनाको मृत्यु भएको छ । 

प्राधिकरणले आगलागीबाट १८, डढेलोले छ तथा चट्याङ लागेर तीन जनाले ज्यान गुमाएका तथा ९० जना घाइते भएका प्राधिकरणले बताएको छ । यसैबीच, प्राधिकरणले अग्निपीडित परिवारलाई पनि अस्थायी घर बनाउन आर्थिक सहयोग गर्ने कार्यविधि स्वीकृत गरेको जनाएको छ ।

यसअघि त्यस्तो सुविधा भूकम्पपीडितका लागि मात्र उपलव्ध थियो । देशभरी डडेलो बढ्दै जाँदा वायु प्रदुषण देखि हवाइ उडानमा समेत समस्या देखिएको छ । तर पनि सरकारले यसबारेमा खासै चासो नदिएको गुनासो आम क्षेत्रबाट भएको छ । खासगरी डडेलो लगाउँने ब्यक्तिको खोजी र कानूनी कारवाहीमा सरकारले चासो नदिएकोले यस्तो समस्या बढेको बताइएको छ । गृहमन्त्रालय तथा वन मन्त्रालय जस्ता निकायहरु यो समस्या यति धेरै बढ्दा पनि मौन बसेको देखिन्छ ।