काठमाडौं। कहिलेकाहीं ल्यापटप वा कम्प्युटरमा काम गरिरहेको बेला स्क्रिन खुला छाड्नुपर्ने परिस्थिति आउन सक्छ। यस्तो अवस्थामा स्क्रिन अफ गर्दा काम रोकिने डर, स्क्रिन खुला छाड्दा अरूले अनावश्यक रूपमा प्रयोग गर्नसक्ने डरले तपाईंलाई पिरोल्न सक्छ। यस्तै अवस्थामा "किबोर्ड लक" फिचर निकै उपयोगी हुन सक्छ। किबोर्ड लक फिचरले किबोर्डलाई अस्थायी रूपमा निष्क्रिय बनाउँछ। यसले गर्दा तपाईंको किबोर्डले कुनै पनि इनपुट लिन्न। यसलाई फिर्ता सामान्य अवस्थामा फिर्ता ल्याउन अनलक गर्नुपर्ने हुन्छ।

तपाईंले इनबिल्ट किबोर्ड होस् वा बाह्य किबोर्ड, दुबै प्रकारका किबोर्ड लक/अनलक गर्न सक्नुहुन्छ। यसको लागि इनबिल्ट सेटिङ वा थर्ड-पार्टी एपहरू प्रयोग गर्न सकिन्छ।

विन्डोज ल्यापटपमा किबोर्ड लक गर्न "Shift" कि थिचेर कम्तीमा ८ सेकेन्डसम्म दबाइराख्नुहोस्। यसपछि एक आवाजसहित पपअप मेसेज देखिन्छ। त्यसमा "Yes" क्लिक गरेपछि तपाईंको किबोर्ड लक हुन्छ।

किबोर्ड अनलक गर्न फेरि "Shift" कि ८ सेकेन्डसम्म दबाउनुहोस्। ध्यान दिनुहोस्, किबोर्ड लक गरेपछि स्क्रिन अफ गर्नुभयो भने किबोर्ड स्वचालित रूपमा अनलक हुन सक्छ।

यदि इनबिल्ट फिचरले पर्याप्त नभएमा, विभिन्न थर्ड-पार्टी एपहरू प्रयोग गरेर पनि किबोर्ड लक गर्न सकिन्छ। यस्ता एपहरूले किबोर्ड लकसँगै अन्य सुरक्षा सुविधाहरू पनि दिन सक्छन्।

किबोर्ड लक फिचरले तपाईंको ल्यापटप र कम्प्युटरलाई सुरक्षित बनाउन महत्वपूर्ण भूमिका खेल्छ। यसको प्रयोगले काममा सहजता ल्याउनुका साथै अनावश्यक इनपुटबाट बच्न सहयोग पुर्‍याउँछ।