काठमाडौँ। जिमेलमा कुनै व्यवसायिक वा व्यक्तिगत ई-मेल पठाउँदा कहिलेकाहीँ सेन्ड बटनमा क्लिक गरेपछि तुरुन्तै रिप्लाई आएको पक्कै पनि देख्नु भएको होला। यस्तै गरी, तपाईंले पनि प्राप्त भएका ई-मेलहरूमा स्वतः रिप्लाई पठाउने सुविधा जिमेलमार्फत सक्रिय गर्न सक्नुहुन्छ। यो सुविधाले तपाईंको व्यवसायिक सम्बन्धलाई थप प्रभावकारी बनाउनुका साथै समय पनि बचत गर्न सहयोग गर्दछ। जिमेलमा यो सुविधा कसरी सेट गर्ने भन्नेबारे यहाँ विस्तृत जानकारी प्रस्तुत गरिएको छ।

१. टेम्प्लेट इनेबल गर्नुहोस्
ई-मेलको अटोमेटिक रिप्लाई सेटअप गर्नुभन्दा पहिले जिमेलमा टेम्प्लेट फिचर सक्रिय गर्नुपर्छ। यो फिचरले तपाईंलाई रिप्लाईका लागि पूर्वनिर्धारित सन्देश तयार पार्न सुविधा दिन्छ।

कसरी इनेबल गर्ने?
1. कम्प्युटरमा जिमेल खोल्नुहोस्।
2. सेटिङ आइकन (स्क्रिनको दायाँतर्फ माथि) मा क्लिक गर्नुहोस्।
3. ‘See all settings’ मा जानुहोस्।
4. त्यहाँ ‘Advanced’ नामक ट्याबमा क्लिक गर्नुहोस्।
5. अब, Templates फिचरलाई इनेबल गर्नुभई ‘Save Changes’ मा क्लिक गर्नुहोस्।
२. टेम्प्लेट तयार गर्नुहोस्
टेम्प्लेट फिचर इनेबल गरेपछि, तपाईंले ई-मेलको अटोमेटिक रिप्लाईको लागि सन्देश तयार गर्न सक्नुहुन्छ।
1. ‘Compose’ बटनमा क्लिक गरेर नयाँ ई-मेल बनाउनुहोस्।
2. मेसेज बक्सको तलपट्टि रहेको तीन थोप्ला आइकन मा क्लिक गर्नुहोस्।
3. त्यहाँ देखिने ‘Templates’ अप्सनमा जानुहोस्।
4. ‘Save draft as template’ र त्यसपछि ‘Save as new template’ मा क्लिक गर्नुहोस्।
5. अब, तपाईँको मेसेज लेखेर टेम्प्लेटका रूपमा सुरक्षित गर्न सक्नुहुन्छ।
३. अटोमेटिक फिल्टर सेटअप गर्नुहोस्
टेम्प्लेट तयार भएपछि, स्वतः ई-मेल पठाउनका लागि फिल्टर सेटअप गर्नुपर्छ।

1. पुनः सेटिङ्स मा जानुहोस् र ‘See all settings’ मा क्लिक गर्नुहोस्।
2. ‘Filters and Blocked Addresses’ मा जानुहोस्।
3. ‘Create a new filter’ मा क्लिक गर्नुहोस्।
4. तपाईंले चाहेका विवरण (जस्तै: पठाउने व्यक्ति, विषय, आदि) भरेर ‘Create filter’ मा क्लिक गर्नुहोस्।
5. त्यसपछि देखिने विकल्पहरूबाट ‘Send template’ मा क्लिक गर्नुहोस् र पहिल्यै तयार पारिएको टेम्प्लेट छान्नुहोस्।

यसरी, जिमेलको टेम्प्लेट र अटोमेटिक फिल्टरको प्रयोगबाट तपाईंले ई-मेलको अटोमेटिक रिप्लाई सजिलै सेट गर्न सक्नुहुन्छ। यो प्रक्रिया अपनाउँदा तपाईंको व्यस्त जीवनशैलीलाई सजिलो बनाउनुका साथै व्यवसायिक प्रभावकारिता पनि बढ्छ। अब तपाईं पनि यो तरिका अपनाएर समय बचत गर्न र आफ्नो कामलाई थप व्यवस्थित बनाउन सक्नुहुन्छ।