• आइतबार, १९ चैत, २०७९
  • ०६:०७:३८

आठौँ शताब्दीको बुद्धको मुर्ति चोरी

  • Netizen Nepal
  • सोमबार, २९ फाल्गुण, २०७९- १०:५८:००/ Monday 03-13-23

नेटिजन संवाददाता 

काठमाडौँ, २९ फागुन। ललितपुरको चापागाँउमा रहेको आठौँ शताब्दीको ऐतिहासिक पुरातात्विक बुद्धको दुईवटा मूर्ति चोरी भएको छ ।

चापागाउँ स्थित पुरानो बसपार्कसँगै मोती पुस्तकालय आडमा रहेको बुद्धको मूर्ति गएराति चोरी भएको स्थानीय श्रीधर श्रेष्ठले जानकारी दिनुभयो ।  चार  मूर्ति रहेको बुद्ध चैत्यमा यसअघि फागुन १७  मा पनि मूर्ति चोरी भएको थियो । 

चैत्यमा राखिएको चार मूर्तिमध्ये तीन चोरी भइसकेको जनाइएको छ ।   बुद्धको मूर्ति भएको स्तूपा भत्काएर चोरी गरिएका अवस्थामा सर्वसाधरणाले भेट्टाएका हुन् । यो चैत्य इस्वी संवत् ८२७ मा स्थापना गरिएको शिलालेखमा उल्लेख छ ।