पेट्रोल-डिजेलको मूल्य बढ्यो
-
नेटिजन संवाददाता
- सोमबार, १७ असार, २०८१- १३:५५:००/ Monday 07-01-24
![](https://netizennepal.com/uploads/news/images/petrol-diesel.2022-03-02-07-27-42.jpeg)
काठमाडौँ । नेपाल आयल निगम लिमिटेडले पेट्रोल र डिजेलमा मूल्य वृद्धि गरेको छ । इण्डियन आयल कर्पोरेशनबाट प्राप्त नयाँ खरिद मूल्यअनुसार प्रति लिटर पेट्रोलमा रु २ र डिजेलमा रु ५ ले वृद्धि गरिएको आयल निगमले जनाएको छ ।
निगमको सूचना अनुसार सोमबार बिहानदेखि पेट्रोलियम पदार्थको नयाँ मूल्य लागू हुनेछ । हवाई इन्धन र एलपी ग्यासको मूल्य भने यथावत् रहेको निगमले जनाएको छ ।
मूल्य वृद्धिसँगै पहिलो वर्गअन्तर्गत चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्जमा पेट्रोलको मूल्य प्रतिलिटर रु १ सय ६४.५० कायम गरिएको छ । त्यसैगरी डिजेल र मट्टिटेलको मूल्य रु १ सय ५४.५० कायम गरिएको छ ।
दोस्रो वर्गअन्तर्गत सुर्खेत र दाङमा पेट्रोलको मूल्य प्रतिलिटर रु १ सय ६६ कायम भएको छ । डिजेल र मट्टिटेलको मूल्य रु १ सय ५६ कायम भएको छ ।
तेस्रो वर्गअन्तर्गत काठमाडौँ, पोखरा र दिपायलमा पेट्रोलको मूल्य प्रतिलिटर रु १ सय ६७ कायम भएको छ । डिजेल र मट्टितेलको मूल्य १ सय ५७ रुपैयाँ कायम भएको छ ।