राष्ट्रपति उम्मेदवारमा कमलालाई समर्थन
-
नेटिजन संवाददाता
- मंगलबार, ८ श्रावण, २०८१- १०:२४:००/ Tuesday 07-23-24
![](https://netizennepal.com/uploads/news/images/USA-presedent-canidates-kamala2024-07-23-10-26-25.jpeg)
काठमाडौँ । अमेरिकाका राष्ट्रपति जोए बाइडेन चुनावी मैदानबाट पछि हटेर राष्ट्रपतिको उम्मेदवारमा उपराष्ट्रपति कमला ह्यारिसलाई समर्थन गर्ने घोषणा गर्नुभएको छ । सत्तारूढ डेमोक्रेटिक पार्टीले राष्ट्रपतिको उम्मेदवारी फिर्ता गर्न दबाब दिएपछि ८१ वर्षीय बाइडेनले आफू चुनावी मैदानबाट पछि हटेर उपराष्ट्रपति कमलालाई समर्थन गर्ने घोषणा गर्नुभएको हो ।
अमेरिकामा आगामी नोभेम्बर ५ मा राष्ट्रपतिको चुनाव हुँदै छ । चुनावमा प्रमुख विपक्षी दल रिपब्लिकन पार्टीकातर्फबाट पूर्वराष्ट्रपति डोनाल्ड ट्रम्पलाई उम्मेदवार बनाएको छ ।
बाइडेन वृद्ध हुनुभएको र केही समयअघि ट्रम्पसँगको बहसमा उहाँले फितलो प्रस्तुति गर्नुभएको थियो । बाइडेनले उपराष्ट्रपति कमलालाई समर्थन गरे पनि पार्टीले भने उहाँलाई आधिकारिक उम्मेदवार बनाएको छैन । पार्टीको आउँदो राष्ट्रिय सम्मेलनले उहाँलाई उम्मेदवार बनाउने वा नबनाउने निर्णय गर्ने छ । एजेन्सी।