दुर्गा प्रसाईं भक्तपुरबाट पक्राउ
- नेटिजन संवाददाता
- आइतबार, ६ असोज, २०८१- १६:२४:००/ Sunday 09-22-24
काठमाडौँ । मेडिकल व्यवसायी तथा आफूलाई वित्तिय संस्थाको अन्यायविरुद्धको अभियान्ताका रुपमा चिनाएका दुर्गा प्रसाईंलाई प्रहरीले आइतवार पक्राउ गरेको छ । प्रसाई बिरुद्ध विद्युत्तीय कारोबार ऐन अन्तर्गत साइबर ब्युरोमा जाहेरी दर्ता भएको थियो । यस बारेमा थप अनुसन्धानका लागि प्रहरीले अदालतको आदेश माग गरेकोमा गत असोज २ मा जिल्ला अदालत काठमाडौँले प्रसाईंलाई पक्राउ गर्न अनुमति दिएको थियो । प्रसाईंसँगै बाग्लुङका जीवन पाण्डे र धादिङका प्रकाशचन्द्र दाहाललाई पनि पक्राउ गर्न अदालतले अनुमति दिएको थियो ।
प्रसाईलाई अघिल्लो हप्ता नै पक्राउ गर्ने तयारीका साथ उनको घर छेउमा ठूलो मात्रामा प्रहरी परिचालन गरिएको थियो । तर उनलाई आइतबार मात्र पक्राउ गरिएको हो ।