काठमाडौं।  पोखरा एभेन्जर्सका विकेटकिपर ब्याटर आन्द्रेस गौस नेपाल प्रिमियर लिग (एनपीएल)मा शतक प्रहार गर्ने पहिलो खेलाडी बनेका छन्।

कीर्तिपुरस्थित त्रिवि क्रिकेट मैदानमा लुम्बिनी लायन्सले दिएको १७१ रनको लक्ष्य पछ्याउँदै पोखरा एभेन्जर्सका ओपनर गौसले आक्रामक प्रदर्शन गर्दै शतक पूरा गरे। ३१ वर्षीय गौसले आफ्नो उत्कृष्ट ब्याटिङले एनपीएलमा नयाँ इतिहास रचेका हुन्।

उनको यो कीर्तिमानी प्रदर्शनले पोखरा एभेन्जर्सको इनिङ्सलाई मजबूती प्रदान गर्दै खेललाई रोमाञ्चक बनाएको छ।