काठमाडौं। नेपाल प्रिमियर लिग (एनपीएल)का भोलिका खेलहरू घरमै बसेर हेर्न टिकेटिङ पार्टनर खल्तीले सल्लाह दिएको छ। शुक्रबार सार्वजनिक गरेको सूचनामा खल्तीले यस्तो सुझाव राखेको हो।

जानकारी अनुसार, भोलिका लागि कुनै पनि भौतिक टिकट उपलब्ध हुनेछैन। यद्यपि, अनलाइनमा केही टिकटहरू उपलब्ध भए पनि ती सीमित रहेको र छिट्टै ‘सोल्ड आउट’ हुने सम्भावना रहेको खल्तीले जनाएको छ। त्यसैले, दर्शकहरूको सुरक्षालाई ध्यानमा राख्दै खल्तीले खेलको प्रत्यक्ष प्रसारण घरमै बसेर हेर्न आग्रह गरेको हो।

भोलि एनपीएलमा दुई खेल आयोजना हुँदैछन्। पहिलो खेलमा लुम्बिनी लायन्स र सुदूरपश्चिम रोयल्स तथा दोस्रो खेलमा कर्णाली याक्स र विराटनगर किङ्ग्स एकअर्काविरुद्ध प्रतिस्पर्धा गर्नेछन्।