नेपाल प्रिमियर लिग (एनपीएल) अन्तर्गत काठमाडौं गुर्खाज र जनकपुर बोल्ट्सबीच अहिले दिउँसो खेल हुन गइरहेको छ। यस खेलका लागि टस जित्दै काठमाडौंले पहिला ब्याटिङ गर्ने निर्णय गरेको छ, जसअनुसार जनकपुरले पहिला फिल्डिङ गर्नुपर्ने भएको छ।

यसअघि चार खेल खेलिसकेको काठमाडौं आजको आफ्नो पाँचौँ खेलमा तेस्रो जितको खोजीमा रहेको छ। त्यसैगरी, जनकपुरले अहिलेसम्म पाँच खेल खेलेर चार खेलमा जित निकालेको छ र यो छैठौँ खेलमार्फत पाँचौँ जितको लक्ष्यमा हुनेछ।

जनकपुरले आफ्नो अघिल्ला खेलहरूमा विराटनगर किङ्स, कर्णाली याक्स, पोखरा एभेन्जर्स र लुम्बिनी लायन्सलाई हराएको थियो। तर, सुदूरपश्चिम रोयल्ससँग पराजित भएको थियो।

त्यस्तै, काठमाडौंले चितवन र सुदूरपश्चिमसँग पराजय बेहोरेको भए पनि लुम्बिनी र कर्णालीलाई पराजित गर्न सफल भएको छ।