काठमाडौं । नेपाल टेलिकमले आगामी शनिबार (पुस १३ गते) नेपाली चलचित्र ‘प्रेमगीत ३’ मात्र १ रुपैयाँमा आफ्नो आईपीटिभी सेवा एनटीटिभी (NTTV) मार्फत प्रस्तुत गर्न लागेको छ। यसका लागि ग्राहकहरूले एनटीटिभीको मुभी सेक्सनबाट चलचित्र खरिद गर्नुपर्नेछ।

चलचित्र खरिद गरेपछि ग्राहकलाई २४ घण्टाभित्र हेर्न सकिने सुविधा प्राप्त हुनेछ। यो भुक्तानी नेपाल टेलिकमको मोबाइल ब्यालेन्सबाट कटौती हुने छ।

नेपाल टेलिकमले यसअघि पनि आईपीटिभी सेवा अन्तर्गत केही चलचित्रहरू देखाएको थियो, र यसले आफ्नो सब्सक्रिप्सन मोडेललाई थप प्रोत्साहन दिएको छ।

‘प्रेमगीत ३’ हेर्नका लागि तलको प्रक्रिया अपनाउनुहोस्:

1. एनटीटिभीको मुभी सेक्सनमा जानुहोस्।
2. ‘वान डे मुभी रुपिज वन’ मा क्लिक गर्नुहोस्।
3. ‘बाई अप्सन’ छान्नुहोस्।
4. नेपाल टेलिकमको मोबाइल नम्बर राख्नुहोस्।
5. एक रुपैयाँ भुक्तानी गर्नुहोस् (यो मोबाइल ब्यालेन्सबाट कटौती हुनेछ)।
6. ओटीपी प्राप्त भएपछि त्यसलाई राखेर प्रमाणित गर्नुहोस्।

नेपाल टेलिकमले आईपीटिभी सेवा अन्तर्गत टेलिफोन, इन्टरनेट, र टिभीलाई एउटै फाइबरमार्फत उपलब्ध गराउने योजना अनुसार एनटीटिभी सेवा सञ्चालन गरिरहेको छ।