काठमाडौं । कजाकस्तानको अकताऊ क्षेत्र नजिकै बुधवार एक यात्रुवाहक विमान दुर्घटनाग्रस्त भएको छ। स्थानीय प्रशासनका अनुसार विमानमा ६७ जना सवार थिए।

कजाकस्तानको आपतकालीन सेवा विभागले २५ जनालाई जीवितै उद्धार गरिएको जानकारी दिएको छ। तीमध्ये २२ जनालाई उपचारका लागि अस्पताल पठाइएको छ। विमान अवतरणको क्रममा आगलागी भएको बताइएको छ। उक्त विमानमा ६२ जना यात्रु र ५ जना चालक दलका सदस्य थिए।

रोयर्टर्सका रिपोर्ट अनुसार, यो विमान अजरबैजानको एयरलाइन्सको हो, जुन बाकुबाट रुसको चेचन्या जाने क्रममा थियो। तर, बाक्लो हुस्सुका कारण विमानले आफ्नो मार्ग परिवर्तन गर्नुपरेको थियो।