काठमाडौं।  पुराना आईफोन प्रयोगकर्ताहरूले २०२५ को मे महिनादेखि ह्वाट्सएप चलाउन समस्या सामना गर्न सक्नेछन्। ह्वाट्सएपको नयाँ नीति अनुसार, केही पुराना आईफोन मोडेलले अब यो एपको सपोर्ट पाउने छैनन्।

डब्लूएबेटाइन्फो (WABetaInfo)को रिपोर्ट अनुसार, आईफोन ५एस, आईफोन ६, र आईफोन ६ प्लस जस्ता मोडेलले २०२५ को मे महिनापछि ह्वाट्सएप चलाउन सक्दैनन्। यी मोडेलले अन्तिम सफ्टवेयर अपडेट (आईओएस १२.५.७) प्राप्त गरिसकेका छन्, र अब थप अपडेट उपलब्ध हुनेछैन। नयाँ नीतिका आधारमा, आईओएस १५.१ वा त्यसपछिका संस्करण चलाउने आईफोनले मात्र ह्वाट्सएप सपोर्ट गर्नेछन्। त्यसैले यदि तपाईंको आईफोनमा पुरानो संस्करण चलिरहेको छ भने, ह्वाट्सएप प्रयोग जारी राख्नका लागि नयाँ फोन किन्नु पर्ने हुन सक्छ।